Radøyhallen

Radøyhallen er eit kommunalt anlegg for idrett og kultur føremål. Hallen ligg på Manger og inneheld ein fleirbrukshall, eit hovudbasseng (25 meter), eit terapibasseng, innandørs skytebane, garderobar og møterom med tilhøyrande kjøkken/kiosk.

Idrettshallen:

Størrelse: 22 meter x 44 meter
Tribune: plass til 350 menneske
Takhøgde: 7 meter
Oppdeling av hallen: kan delast opp i fire mindre delar ved hjelp av skiljeveggar. Ein kan leiga kvar og ein av dei fire delane eller heile hallen. 

Oppmerka baner og tilhøyrande utstyr:

• 3 små og 1 stor basketballbane
• 1 Handballbane
• 4 små og 1 stor bane for volleyball
• 4 badmintonbaner, og med høve for bordtennis og tennis.

Anna utstyr:

• Utstyr for friidrett og andre sportslege aktivitetar
• 500 stolar og 60 bord
• Taleanlegg og trådlaus mikrofon. Hallen har god akustikk om ein ønskjer å arrangera konsertar og liknande musikalske arrangement
• 40 stk sceneelement: Ulike høgder frå 20 cm til 1 meter med total flate på 80 kvadratmeter. Sceneelementa kan og brukast til bord dersom ein ikkje treng scene.

For meir informasjon om fleirbrukshall, basseng eller møterom: sjå under "lokaler til leige" i fana til høgre.